-
زه په کومو ستونزو کې کولی شم چېUNDOKکې مشوره ترلاسه کړم؟
0:00/دلته ته د ستونزو یوه لیست موندلی شې.
که ته خپل ستونزه پیدا کړې UNDOK ته راشه. موږ به درسره مرسته وکړو!
ما خپل معاش (په بشپړ ډول) نه دی ترلاسه کړی.
په ډېرو کارونو کې دا قانون دی: ستا رئیس باید تا ته حداقل معاش درکړي. حداقل معاش هغه ترټولو لږه پیسه ده، چې قانوني ده. د حداقل معاش اندازه ستا په کار او دندې پورې اړه لري.
د خپل معاش ترڅنګ ته معمولاً ۱۳مه او ۱۴مه تنخوا هم ترلاسه کوې. دې ته د رخصتي پیسې (Urlaubsgeld) او کرسمس پیسې (Weihnachtsgeld) هم ویل کېږي.
زه باید تر ټاکلي وخت زیات ساعتونه کار وکړم.
که ته تر ټاکلي وخت زیات ساعتونه کار کوې یا په یوه یکشنبه یا رخصتۍ کې کار کوې، په ډېرو سکتورونو کې (لکه ساختماني کارونه، پاکوالي، رستورانتونه …) تا ته د دې لپاره زیاتې پیسې درکول کېږي. دې ته د زیات کار پیسې یا د رخصتۍ پیسې وايي.
د کارکونکو لپاره په قانون کې د کار اعظمي ساعتونه ټاکل شوي دي. په اتریش کې دا ۱۲ ساعتونه په ورځ کې او له اضافي ساعتونو سره په اونۍ ۶۰ ساعتونه دي. خو: دا باید ستا معمول وخت نه وي. دا معنا لري چې ته نشې کولی هر وخت دومره ساعتونه کار وکړې.
تر ۶ ساعتونو کار وروسته ته باید لږ تر لږه ۳۰ دقیقې دمه وکړې. په یوه اوونۍ کې باید ۳۶ ساعته دمه ولرې. د دوه کاري ورځو ترمنځ باید لږ تر لږه ۱۱ ساعته داسې وي چې ته پکې کار نه کوې. دې ته دمه وخت وايي.
زه بې له ثبت څخه کار کوم. / زه روغتیایي بیمه نه لرم.
په قانون کې دا دي : ستا رئیس باید تا د ټولنیز بیمې لپاره ثبت کړي.
دا معنا لري چې ته د طبي خدماتو حق لرې. همدارنګه، ته د تقاعد حق لرې او د بې کارۍ بیمې ته هم لاس لرې.
مهم:
که ته د ټولنیز بیمې لپاره ثبت شوی یې، دا معنا نه لري چې ته د کار اجازې حق (Beschäftigungsbewilligung) ترلاسه کوې. ستا رئیس باید د دې لپاره جلا غوښتنه وکړي!
زما رئیس ناڅاپه له دندې ګوښه کړم.
که تا له دندې ګوښه کوي، نو لږ تر لږه شپږ اوونۍ مهلت ، ګوښه کولو مهلت (Kündigungsfrist) شته. که ستا رئیس دا مهلت په پام کې ونه نیسي، نو تا ته به د ګوښه کولود خسارې جبران (Kündigungsentschädigung) درکړل شي.
مهم:
ګوښه کول (Kündigung) او برطرفي (Entlassung) یو شان نه دي! برطرفي پرته له مهلت څخه ممکنه ده. د بیلګې په توګه، که ته په کار کې لویه تېروتنه وکړې.
زه پرته له کار اجازې (Beschäftigungsbewilligung) کار کوم.
د ځینو استوګنې اسنادوسره تا ته د دندې اجازه (Beschäftigungsbewilligung) په کار ده. د بیلګې په توګه، لکه د سپینې کارت لرونکي د پناه غوښتونکي په توګه یا د غیر EU هیواد څخه زده کوونکي په توګه.
که ته دندې اجازه نه لرې، نو کار نشې کولای. ستا رئیس باید ستا لپاره له AMS (د کار بازار خدمت) څخه د دندې اجازه وغواړي.
مهم:
- AMS تا ته د دندې د اجازې کاپي د پوستې له لارې در لیږي. یوازې د دې کاپي په ترلاسه کولو سره کولای شې چې کار پیل کړې!
- د کاراجازې یوازې د دې مشخص کار ځای لپاره اعتبار لري. دا اجازه د یو کال لپاره اعتبار لري. له دې وروسته، ستا رئیس باید نوې دندې اجازه وغواړي.
زما رئیس وايي چې زه ازاد یامستقل یا د کسب جواز (Gewerbeschein) سره کار کوم. دا څه معنا لري؟
په ازاد یا مستقل کار کول دا معنا لري:
ته د کسب جواز سره یا پرته له هغه د خپلې خطر او خپلې ګټې پر اساس کار کوې. ته خپله رئیس یې. پر تا باندې د کار قوانین نه تطبیق کیږي، ځکه چې ته کارکوونکی نه یې.
اکثراً دا ستونزه وي: ډېر خلک په رسمي توګه ازاد کار کوي، خو په حقیقت کې یې کار مستقل نه وي. دې ته د دروغجن ازادیا مستقل کار (Scheinselbstständigkeit) اصطلاح وايي.
د دروغجن ازاد یا مستقل کار بیلګې:
ته په رسمي توګه ازاد یا مستقل کار کوې، خو …
- ته د شرکت یا رئیس موټر، بایسکل یا وسایل کاروې.
- تا ته لارښوونې درکول کیږي چې څنګه کار ترسره کړې.
- ته اجازه نه لرې چې بل څوک ستا لپاره کار وکړي، بلکې باید کار خپله ترسره کړې.
ته ډاډه نه یې چې ته په ازاد یا مستقل توګه کار کوې که نه؟ UNDOK مشورې ته راشه! مونږ به ستا حالت وڅیړو.
زما کار ورکوونکی ما ته ګواښ کوي یا ځوروي.
دا اجازه نه لري! UNDOK ته راشه او مشوره ترلاسه کړه.
-
زه کله مشوره ترلاسه کولی شم؟ تاسو ته چیرته مومم؟
0:00/موږ په ټلیفون، د ایمیل له لارې یا په شخصي توګه مشوره درکوو.
موږ تا ته وړیا، پټه او ستا په ژبه مشوره درکوو.
ته کولی شې یو ژباړونکی هم راوړې، یا موږ به د ژباړنې تنظیم وکړو.
په شخصي توګه، ته هر دوشنبه د سهار له ۹ څخه تر ۱۲ پورې او هر چهارشنبه د ماسپښین له ۱۵ څخه تر ۱۸ پورې زموږ ته پرته له نوملیکنې راشې.
ÖGB/Catamaran ودانۍ، لومړۍ پوړ، Johann-Böhm-Platz 1، 1020 ویانا (U2 Donaumarina).
ته کولی شې موږ ته هم زنګ ووهې یا یوه ایمیل ولیکې:
+43 (0)1 534 44–39040
ته کولی شې موږ ته د اړیکې فورم له لارې هم ولیکې:
-
زه په ویانا کې نه یم. / زه نور په اتریش کې کار نه کوم یا نه اوسېږم. آیا تاسو کولی شئ ما سره مشوره وکړئ؟
0:00/هو، موږ خوشحاله یو چې تا ته مشوره درکوو. موږ ته زنګ ووهه یا موږ ته یوه ایمیل ولیکه:
+43 (0)1 534 44–39040
beratung@undok.at
ته کولی شې موږ ته د اړیکې فورم له لارې هم ولیکې .
-
چا نور کولی شي ما سره مرسته وکړي؟
0:00/UNDOK د نورو سازمانونو سره همکاري کوي. دغه سازمانونه هم وړیا مشورې وړاندې کوي، او لومړۍ خبرې پټه وي.
د دغو موضوعاتو لپاره، موږ تا ته دغه ادارې سپارښتنه کوو:
اقامت / پناه:
پناه په اړتیا کې (Asyl in Not)
کاریتاس ویانا د پناه غوښتنې مرکز (Caritas Wien Asylzentrum)
کاریتاس ویانا د بهرنیانو د حقوقو په اړه مشوره (Caritas Wien Fremdenrechtsberatung)
دتښتېدونکو- او کډوالوپه اړه مشوره (Deserteurs- und Flüchtlingsberatung)
بدون حدوود واده (Ehe ohne Grenzen)
د وړتیاوو پېژندنه
د انسانانو تجارت په اړه شک (د بیلګې په توګه، ستا رئیس ستا پاسپورت لري، ته د رئیس سره اوسېږې)
د ۲۴ ساعته ملاتړ
روغتیا / د روغتیا بیمې نه شتون
اوسیدنه
د EU/EWR د اتباعو لپاره د کار حقوقي مشوره
د کارګرو خونه (Arbeiterkammer)
تاسو کولی شئ په د کارګرو خونه ویانا کې د ترجمان لپاره غوښتنه وکړئ.
د اتریش د کارګري اتحادیو له خوا په مورنۍ ژبې مشوره (Muttersprachliche Beratung beim Österreichischen Gewerkschaftsbund, ÖGB)
په عربي، بلغاري، روماني، روسي او اوکراینۍ کې مشوره
په عربي، بلغاري، روماني، روسي او اوکراینۍ کې مشوره
که ته د اسنادو پرته کار کوې، خو په اتریش کې نه اوسېږې
د PICUM (له بې اسنادو د مهاجرینو لپاره د نړیوالو همکارۍ پلاتفورم) په پاڼه کې، ته د ۳۰ نه زیات هېوادونو سازمانونه موندلی شي چې بې اسناد کډوالو ته ملاتړ وړاندې کوي ( د “غړیو هېوادونو لیست” وګورئ).
-
زه نورې پوښتنې لرم …
-
څوک کولی شي په UNDOK کې مشوره ترلاسه کړي؟
0:00/-
- هغه خلک چې له داسې هېواد څخه راغلي وي، چې په EU یا EWR کې نه وي
-
- هغه خلک چې بې له اسنادو (اقامتي اجازه یا د کار اجازه) په اتریش کې کار کوي
او
-
- هغه خلک چې د خپلې کار لپاره تر ټاکلې اندازې لږه پیسه ترلاسه کوي
-
- هغه خلک چې روغتیایي بیمه نه لري
-
- یا هغه خلک چې په کار کې نورې ستونزې لري
ته یوازې نه یې! UNDOK ته راشه. موږ به ستا حالت وڅېړو او وګورو چې څنګه ته خپل حقونه ترلاسه کولی شې. موږ به هم وګورو چې دا ستا په اوسېدنه څه تاثیر لري.
-
-
په UNDOK مشورې کې څه پیښیږي؟
0:00/ته موږ ته د خپل وضعیت په اړه وایې او پوښتنې کولی شې. موږ تا ته او ستا ستونزو ته وخت ورکوو. موږ ستا نوم نورو ته نه ورکوو. موږ ستا وضعیت نورو ته نه وایو. موږ په تا باور لرو!
زموږ مشاورین به له تا سره د ستا حقوقو ته د رسیدو په اړه خبرې وکړي. د بیلګې په توګه، که ته خپل معاش نه وي ترلاسه کړی یا د روغتیا بیمه نه لرې.
ته کولی شې د خپلې کار لپاره شواهد راټول کړې او مشورې ته یې راوړ ې.
موږ هم دا په دقت سره څیړو چې دا ستا د اقامت لپاره څه مانا لري.
ځینې وخت موږ تا ته وایو چې ښه راتلونکي ګامونه څه کیدی شي. مګر هیڅ شی به د ستا د رضایت پرته نه ترسره کیږي.
-
که زه د خپل رئیس په اړه شکایت وکړم، څه پیښیږي؟
0:00/زموږ مشاورین به له تا سره د ستا حقوقو ته د رسیدو په اړه خبرې وکړي. ځینې وخت موږ تا ته وایو چې څه ښه راتلونکي ګامونه کیدی شي. مګر هیڅ شی به د ستا د رضایت پرته نه ترسره کیږي. د بیلګې په توګه، موږ ستا رئیس سره یوازې په هغه صورت کې اړیکه نیسو چې ته وغواړې.
موږ هم دا څیړو چې که ته خپل معاش په محکمه کې وغواړې، نو دا ستا د اقامت لپاره څه مانا لري.
موږ تا ته او ستا ستونزو ته وخت ورکوو.
موږ د پولیسو، بهرنیو ادارو یا ستا رئیس سره همکاري نه کوو!
-
ایا UNDOK یوه اداره یا دولتي اداره ده؟
0:00/نه. UNDOK یوه خپلواکه ټولنه ده. UNDOK د مهاجرینو ټولنو او NGOګانو (د بیلګې په توګه: ،Helping Hands Flucht nach Vorn ،asylkoordination ،LEFÖ-IBF ،neunerhaus)، اتحادیې او د کارګرو خونه (Arbeiterkammer) سره همکاري کوي.
موږ د پولیسو یا بهرنیو ادارو سره همکاري نه کوو. دا معنی لري: موږ ستا د اقامت د سند په اړه هیڅ معلومات نه ورکوو.
موږ هم د ستا د کار ورکوونکي سره همکاري نه کوو.
-
زما معلوماتو سره څه پیښیږي؟
0:00/په UNDOK کې ته کولی شې پټه مشوره ترلاسه کړې. دا مانا لري: ته په مشوره کې باید موږ ته سمدلاسه شخصي معلومات (د بیلګې په توګه نوم، د کار ځای) ورنکړې. که ته موږ ته معلومات راکړې، موږ یې نورو ته نه ورکوو، که ته دا نه غواړې.
یوازې کله چې موږ ستا د کار ورکوونکي سره اړیکه نیسو، موږ ستا نوم ته اړتیا لرو. په دې حالت کې، موږ له تا څخه پوښتنه کوو چې آیا موږ کولی شو ستا نوم او نور معلومات په خپل سیستم کې وساتو.
موږ ستا هیڅ معلومات نه ساتو چې موږ ته اړتیا نه وي.
دغه برخه د وېبپاڼې يوازې په آلماني يا انګلیسي ژبو کې موجوده ده
Share